Khutbah

Khutbah Jumat; Mujahadatun napsi, Perang Ngayonan Hawa Napsu

Khutbah ka 1

الحمد لله الذي هدانا لهدا وما كنّا لنهتدي لولا ان هدانا الله اشهد ان لا اله الا الله وحده لا شريك له واشهد ان محمّدا عبده  ورسوله لا نبيّ بعده اللهمّ صلّ وسلّم وبارك علىهذا النّبيّ الكريم محمّد وعلىاله و صحبه ومن وّالا ه ولا حول ولا قوّة الا بالله

اما بعد  فياايّها المسلمون اوصيكم ونفسي بتقوى الله فقد فاز المتّقون واذا قرئ القرأن  فاستمعوا له وانصتوا لعلّكم ترحمون. 

اعوذ بالله من الشّيطان الرّجيم بسم الله الرحمن الرجيم: فالهمها فجورها وتقواها وقال ايضا أفلم يسيروا فى الأرض فتكون لهم قلوب يعقلون بها أو ءاذان يسمعون بها فإنها لا تعمى الأبصار ولكن تعمى القلوب التى فى الصدور

  Hadirin Sidang Jum’at Rahimakumullah

Napsu anu matak kaduhung, badan anu katempuhan. Urang pasti geus pada apal paribasa ieu. Pihartieunana jalma anu salilana ngalajur napsu tinangtu temahna bakal cilaka. Kangaranan kaduhung apanan tara tiheula. Nya napsu pisan anu jadi sababiyah tigebrusna diri  urang jadi tina ajen.

Nalika napsu minuhan ulekan hirup, meh bisa dipastikeun kahirupan kualitasnaa bakal nyirotot malah moal boa leuwih hina tibatan sato.

ثُمَّ رَدَدْنَـٰهُ أَسْفَلَ سَـٰفِلِينَ

“Saterusna Kami balikeun kana darajat panghina-hinana” (QS. Al-Tin: 5)

Ceuk al-Quran pisan mun jalma geus ngagelung kana napsu atuh harkat dirina teu bisa dibedakeun jeung sato. Ulaika kal an’ami bal hum adhol. Apanan ngan sato anu udagan hirupna ngan ukur muru eusi beteng, teu perlu agama, ngahalalkeun sagala cara, euweuh ka era. Masih leuheung ketang sato onaman mun dipencit teh masih keneh ka ala dagingna, tapi mun manusa talajakna jiga sato na naon atuh anu rek dipuluk.

Urang pasti pernah ngareungeu ayat anu unina shummun bukmun ‘umyun fa hum la yarji’un. Ayat ieu oge silib tina tingkah paripolah jalma anu teu bisa ngadalikeun napsuna malah dirina justru dikadalikeun ku napsuna. Mun napsu geus mingpin dirina, dijamin ceulina bonge, panona lolong, pego jeung tulag tolog teu apal kana tempat pangbalikan anu sajatina, dikirana hirup bakal saeuneung-euneung. Maranehna kakara sadar nalika nyawa geus aya di congo ti kokoro: hatta zur tumul maqobir (nalika diri geus nangtawing di gawir taneh kuburan).

Baca Juga  Khutbah Jum'at: Ciri-ciri orang yang bertaqwa

Torek, bonge jeung pego tina bebenaran agama atawa beragama-beragama namah tapi nganggap aturan agama mah urusan pribadi ulah ulu biung dina rohangan sosial atuh kadituna loba jalma soleh waktu keur di masigit jueng pangajian nalika aya di kantor atawa pasar mah meh eweuh tapakna spirit masigit jeung pangajian teh. Ceuk basa kiwari mah solehna teh ritual wungkul da sosial namah bajred.

Nya atuh naon kasebutna ari lain sababiyah englak-engklakana hawa napsu lamun sabudureun urang ditingkeur ku rupa-rupaning kamungkaran. Korupsi, jina, mabok, ngadu, kolusi, ngawadul, hianat, jeung saterusna ampir walatra ti luhur tepi ka handap, ti girang ka hilir taya anu kasingsal, ti kota ngamalir ka lembur singkur.

Nya atuh naon kasebutna ari lain sato mah lamun teu bisa di ajar tina pangalaman katukang-katukang. Urang geus pada apal rehna tumpurna hiji nagara balukar pengeusina lewih wanoh jeung hawa napsu. Orde baru tijongkeng alatan KKN, tapi edas kalakuan ieu lain dierenan tapi terus manjang tepi ka kiwari.

Hadirin Sidang Jum’at Rahimakumullah

Dina hiji ayat Alloh ngadawuh: Qul siru fil ardli fan duru kaefa kana ‘aqibtul mukadzibin. Tuh tengetkeun kumaha akibat ti jalma-jalma anu salilana ngobohongkeun bebenaram, salilana mupusti hawa napsu. Qad kholat min qoblikum sunan sakumaha katitenan dina surat Ali Imran/3: 137, al-Araf/7: 84 Yunus/10: 39. Alatan ngalajur hawa napsu kaum Nabi Nuh dikeureubeukeun, pon kitu krisis-krisis rohaka sejena nimpa ka bangsa ‘Ad, Tsamud, Madyan, kaum Nabi Luth, Kaum Nabi Syu’aib jeung sajabana sakumaha direkam dina al-Quran.

Al-Quran ngahaja ngadokumentasikeun sajarah manusa jaman baheula boh anu hadena boh anu goreng patutna ngarah urang bisa metik pelajaran, supaya manusa mangsa kiwari ceuk basa Malayu tea mah, “Tidak jatuh dalam lubang yang sama untuk keduakalinya”. Ngan sato lain anu tigebrus deui tigebrus deui mah. Inna fi dzalika laibroh li ulil abshor. Saestuna dina rentetan kisah-kisah eta geus nyampak palajaran keur jalma anu daek ngagunakeun uteukna.

Baca Juga  Khutbah Jumat; Pahlawanku Teladanku

قَدْ خَلَتْ مِنْ قَبْلِكُمْ سُنَنٌۙ فَسِيْرُوْا فِى الْاَرْضِ فَانْظُرُوْا كَيْفَ كَانَ عَاقِبَةُ الْمُكَذِّبِيْنَ

“Saestuna geus tumbina samemeh aranjeun sunnah-sunnah Allah, ku sbab kitu pek lumaku di bumi ieu jeung tengetkeun kumaha balukarna jalma anu ngabohongkeun (rosul-rosul)” (Q.S. Ali Imran/3: 137).

Hadirin Sidang Jum’at Rahimakumullah

            Ku kacida rosana ngagalaksakna hawa napsu tong aneh upami kapungkur Rosul netenggeran rehna perang (jihad) anu pang gedena lain merangan musuh anu sipatna pisik tapi ngalawan hawa napsu anu nyangkaruk dina diri sewang-sewangan. Perang ngalawan musuh mah kalan-kalan, tapi merangan hawa napsu tiap menit, tiap detik dalah satiap renghap napas urang. Saur Nabi, “Setan dina diri urang ngamalir lir getih”. 

Nya jigana palebah dieu urang mindeng kaboler. Kaom penjajah geus mampu ku urang diusir, tapi nalika kudu naklukeun napsu diri, urang mindeng teu manggappulia. Merdika merdika namah tapi nalika para pengeusi nagri teu bisa ngusir penjajahan napsu antuk namah tujuan tina proklamasi kamerdikaan teh loba anu teu kahontal.

Hadirin Sidang Jum’at Rahimakumullah

Kapungkur Imam Ali parantos sasauran, ku naon napsu nu mingpin diri urang? Walerna nyalira lantaran agama jeung aturan teu pernah nyerep kana ati, lolobana ngan seret retorika:

  1. Ngaku Alloh pangeran, tapi talajak tojaiyah jeung papagona Mantena;
  2. Ngaku Muhammad utusan Alloh, hanjakal mimindengna nyonto ahlak musuh Rosul;
  3. Hayang asup ka sawarga tapi lampah anu disorang malah ngahirib-hirib pinarakaeun;
  4. Inggis ku naraka malah ngadengena oge matak muringkak bulu punduk, kari-kari lalampahan lolobana pinarakaeun.
  5. Gimir ku kaayaan alam kubur, tapi estuning talajak badis jalma anu henteu percaya kana ayana alam kubur;
  6. Mindeng maca Qur’an dalah dimusabakohkeun sagala tapi eusina teu dipalire;
  7. Susumpahan setan dianggap musuhna tapi paripolah  sosobatan jeung setan;
  8. Loba ni’mat anu dianugrahkeun, ngan lain sukuran mimindengna malah kupur.

Mun aturan ngeyembeu seret letah jigana urang teh teu dipiceun sasieur jeung tabeat Bani Isroil baheula: an taqulu ma la taf’aulun (ngomong bebeneran teu jeung prakna). Ceuk Umar bin Hotob tea mah, “Keur naon ngomongkeun bebenaran tepi ka ngabudah lamun bebenaran ieu henteu pernah ngawujud dina laku urang?”

Baca Juga  Khutbah Jumat; Memaknai Shofar

Hadirin Sidang Jum’at Rahimakumullah

Dina hiji ayat Alloh swt netelakeun rehna dina diri urang teh nyampak dua potensi anu patulang tonggong nyaeta potensi goreng (fujur) jeung potensi hade (taqwa). Fa alhamaha fujuroha wa taqwaha. Dina surahna Imam al-Gozali mah potensi kamalaikatan anu ngajurung urang sangkan babakti ka pangeran. Ari potensi sato (bahimah), salilana ngaronom urang sangkan kapincut ku hawa napsu.

Kawajiban urang kumaha sangkan potensi taqwa ieu ngalindih fujur. Malakah leuwih dominan tinimbang bahimah. Mun teu kitu mah nya kasebutna nu tadi tea: raga namah manusa tapi hakekatna sato.

وقل ربّ اغفر وارحم وانت خيرالرّاحمين

Khutbah ka 2

اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ.  أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ وَاعْتَصِمُوا بِاللَّهِ. وَاعْتَصِمُوا بِاللَّهِ . وَاعْتَصِمُوا بِاللَّهِرَبَّنَا افْتَحْ بَيْنَنَا وَبَيْنَ قَوْمِنَا بِالْحَقِّ وَاَنْتَ خَيْرُ الْفَاتِحِيْنَ. ر بَّنَا أَنزِلْنِى مُنزَلًۭا مُّبَارَكًۭا وَأَنتَ خَيْرُ ٱلْمُنزِلِينَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّار

  عِبَادَاللهِ إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ،

يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ

Penulis: Dr. H. Asep Salahudin, MA./Rektor IAILM

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button